Berdewambûna qutkirina daran

Navenda Nûçeyan-Efrîn: Komek dizên nenas sibeha roja Sêşemê di 29.12.2020an de derdora 50 darên zeviyeke zeytûnan li ser rêya gundê Çêqipme /Reco ji kokê vê qut kirin, ku ew zevî ya welatiyekî gundê Kûra yê navçeya Reco yê bi navê Henîf Birîmo ye.

Li navçeya Mabata jî, ji despêka demsala zeytûnan ve û ji bilî diziya li pêş çavan û destdanîna bi zorê li ser berhemên zeytûnan ên koçberên kurd, çekdarên Hemzata bi fermandariya yê bi navê Hesenkî bac li herdu gundên Kokana Jorîn û Jêrîn yên ser bi navçeya Mabata ve, ferz kirin.

Her dawî, li ser her malbateke kurd 300 dolar ferz kirin û gefa girtina bi tuhmeta pêwendiya bi rêveberiya berê re li gundiyan xwarin! Tevî ku Hesenkî berê bi xwe jî pêwendiya wî bi rejîmê re hebû û heye jî.

Navbûrî roja Înê di 25.12.2020an de otombêleke Hyundai ya welatiyê bi navê Mihemed Sîdo dizî û derdora 150 darên zeytûnan ên neviyên leheng Silêman Helebî(Malbata Ehmed Sîdo) yê ku li dijî Kolonyalîzma frensî serî hilda bû, birîn û êzingên wan jî ji xwe re firotin.

Rêxistina Mafên Mirovan li Efrînê

03/01/2021

Çekdarên kêm yên bê exlaq û dûrî mirovahiyê

Çekdar pera li xelkê ferz dikin

Dizê wê bi destê parêzvanê wê ye