Tevlîhevî û nearamiya deverên bon kontrola Tirkiyê

NavendaNûçeyan-Efrîn: Li deverên di bin kontrola Tirkiyê û çekdarên bi ser ve de, tevlîhevî, nearamî, teqînên terorî, dizî, kuştin û talankirin berfireh û bê serûbin in, ku Tirkiyê vê yekê ji bo dijatiya gelê kurd û bilindkirina nijadperestiyê bikar tîne.
Roja Şemiyê di 09.01.2021an de li gundê Firêriyê yê ser bi Navçeya Cindirêsê ve di navebra çekdarên Hemzata xwe bi xwe de li ser parvekirina diziya ji xelkê gund, şer derket û di encamê de gund hate dorpêçkirin.
Roja Şemiyê di 09.01.2021an de çekdarên Semerqend li gundê Kefersefrê yê Cindirêsê otombêlek teqandin, ku ji bo terorkirina fermandarekî wan ew otombêl hatibû amadekirin. Ew fermandar jî dest daniye ser mala welatiyê bi navê Xelîl Henan û têde dimîne.
Herwiha çekdarên Semerqend li gel polîsê leşkerî li gundê Kefersefrê roja Înê jî bi êvarî bi ser mala Xelîl Ehmed Şêx Îse, 40 salê, de girtin û ew birin navenda xwe ya ewlehiyê û bi hovane eşkence kirin, di encamê de jî herdu destên wî û hewda wî şikestin û ji ber çareseriyên ji bo nexweşxaneya leşkerî hate veguhestin, heya niha rewşa wî di metirsiyê de ye.
Beriya wê, welatiyê navbûrî lawekî çekdaran rezîl kiribû ku motora xwe li pêş dermanxaneyê sikinandibû, ji ber vê ew jî hate girtin.

Rêxistina Mafên Mirovan li Efrînê

10/01/2021

Tevlîhevî û nearamiya deverên bon kontrola Tirkiyê

Çekdarên kêm yên bê exlaq û dûrî mirovahiyê

Çekdar pera li xelkê ferz dikin

Dizê wê bi destê parêzvanê wê ye