Dîmenin ji kiryarên hawirdeyan

NavendaNûçeyan-Efrîn: Hêzên dagirkeriya tirk û alîgirên wê ji dizan dixwazin rewşeke nû li Efrînê çêbikin, piştî ku ew diz ji deverên xwe bazdan û malbat û milkên xwe li pey xwe hiştin û ji bo bicihkirina ajendeyên herêmî-navdewletî yên demkî hatin li Efrînê bi cih bûn.
Di şereke devkî de di navbera kurdekî û hawirdeyekî de li gundekî ji gundên Navçeya Reco, hawirde ji yê kurd re gotibû ku tirkan û serkirdeyên Îtîlafê soz dane wan wan, ku heta deh salên din kurdekî bi tenê li Efrînê namîne.
Kurdekî li şivanekî hawirde li pêş polîsê leşkerî gilî kiribû, ku pezê xwe berdabû nava zeviyên wî, yê kurd ji şivanî re gotibû ev tişt nabe bê kirin, yê hawirde lê vegerandibû û gotibû „ yê ez anîme vê derê gotiye min her tişt ê te ye û çi dixwazî bike!

Rêxistina Dest bi Dest a hawarkariyê alîkariyan tenê li ser hawirdeyan parve dike û tiştî nade kurdan, kurdekî jî li ser vê yekê nerazîbûna xwe nîşan dabû, karmendekî rêxistinê gote wî: Biryar ji me re hatiye em alîkariyê nedin kurdan, carcaran em alîkariyan didin muxtarê gund ji ber ew di komkirina zanyariyan de alîkariya me dike!
Beriya niha wêneyeke serokkomarê Îraqê, Sedam Hisên, li ber navendeke milîsan li Efrînê hatibû bilindkirin, û dîmenek ji saeta bilin a Humsê li gundê Qujûma ya Cindirêsê hatibû çêkirin, îro jî em navê „ Komara Xûta“ li ser motorên bê nimre yên çekdaran dibînin, lê me nizanî gelo hejmara telefonê ya komara Xûteya rojhilat an ê rojava ye!

Hawirdeyekî alîkariya kurdekî xwest dayîka wî îsaf bike, lê ji ber ê kurd li ber dikana xwe bû bi dereng ket, rabû kurdekî din jî ber ve çû. Ê hawirde çû li wî kurdî ê despêkê alîkarî jê xwestibû,bi tuhmeta pêşkêşnekirina alîkariyê, gilî kir. Endamên ewlehiyê jî ew rezîl û riswa kirin û gotin wî: Tu neçarî xizmet û alîkariya hawirdeyan bikî.
Tevî ku heman kurdî careke berê li polîsekî gilî kiribû, ku wî gotinên nexweş bi hevjîna wî re kiribûn û îhana wê kiribû, lê polîsan ji ber giliya wî kurdî tiştek nekirin û ji ber giliya yê hawirde hatin ê kurd rezîl û riswa kirin!

Rêxistina Mafên Mirovan li Efrînê
16/01/2021

Çekdarên kêm yên bê exlaq û dûrî mirovahiyê

Çekdar pera li xelkê ferz dikin

Dizê wê bi destê parêzvanê wê ye