NavendaNûçeyan-Efrîn: Hîn aramî venegeriye gundê Kaxrê yê ser bi Navçeya Mabata ve, piştî bûyerên vê dawiyê ji girtina 17 welatiyan û danîna dorpêçê bi hinceta şewitandina otombêla berpirsê ewlehiyê yê gund, tevî ku belge bi deng li cem me hene, ku çekdaran bi xwe ew otombêl şewitandine, otombêl bi xwe 200 dolar nake.
Ji ber vê jî Komîta Vegerandina Maf û Giliyan berê xwe da gundê Kaxrê û çekdarine Emşata rezîl kirin û beşekî gelekî biçûk jî şaştiyan derxistin, her weke serdana Nesîr Herîrî ji bo gundê Basûfane, ku tenê ji bo rûspîkirina rûye Tirkiyê li pêş çavên dunyayê bû.
Hewlên fermandarê Emşata, Ebû Emşe, li gundê Kaxrê bi derewderxistina eşkencekirina welatiyan jî neçûn serî, ku cilên çekdarên xwe guhertibû û kesin anîbûn biaxivin ji bo bêjin eşkence nehatiye kirin û rebend jî ji ber vê jî nava gund rakiribûn.
Komîteya navbûrî jî çend pêşniyar pêşkêş kirin, ew jî ev bûn:
1- Divê Ebû Hisên El-Eşarne û hevjîna wî daxwaza lêborînê bikin.
2- Ji bo nehiştina dizîyê, li her taxeke gund wê zîrevan bi şev bêne danîn.
3- Nabe bêyî biryara dadê kesek bê girtin an jî bê revandin.
4- Welatiyên kurd divê serî li komîta gund bixin û pişt re herin çem hev an jî herin nava zeviyên xwe.
