NavendaNûçeyan-Efrîn: Ji ber hebûna nivîsa bi kurdî li ser kêlika gora wî, çekdar û hawirdeyên li gundê Kûsa yê Navçeya Reco kêlikên gora Helbestvan Arif Şêxo Xelîl (naskirî bi bavê Gulê) têk birin. Ev kiryara han nijadperestiyeke ji aliyê wan çekdar û hawirdeyan ve derheqê kurdan de, ku ne mirî û ne jî zindî ji wan û kiryarên wan difilitin.
Bavê gulê kî ye? Di 14.04.1956an de li gundê Kûsa jidayîk bûye, xwendina xwe ya despêkê li gundê Meydana qedand û xwendina navîn li Efrînê qedand, bekeloriya jî li gundê Hîmo ê nêzîkî Qamişlo stand. Girîngî dida xwendina pirtûkên Sofî-Olî, dîrokî û dîwanên helbestan bi taybetî ên Cegerxwîn, Melayê Cizîrî û Ehmedê Xanî. Di despêka salên 70yî dest bi nivîsandina helbestan kir herwiha çend dîwan û nivîsên ên ne belavkirî hene, weke: Pend û şîretên kurda _ dîwana çiya _ hawar û hêvî .
Di 04.07.2012an de çû ber dilovaniya Xwedê û li gundê xwe bi axê hate spartin.
Rêxistina Mafên Mirovan li Efrînê
04/02/2021
![](https://usercontent.one/wp/ku.afrin-humanrights.com/wp-content/uploads/2021/02/150967015_481028313262436_7095271124415624910_n.jpg)