Li Efrînê… pereyên Qeterê, siyaseta tirka û razîbûna hikûmeta demkî

NavendaNûçeyan-Efrîn: Di çarçoveya proseya pêkanîna guhertina demografî li Efrînê, Mihemed Casim (Ebû Emşe) fermandarê milîsên Sultan Silêman Şah, ku Navçeya Şiyê kontrol dikin, xelkê bo zora çekan û di bin gefan de neçar dike erdên xwe bifroşe.
Roja Yekşemê di 11.04.2021an de Ebû Emşe xelkê ku erdên wan dikevin li ser rêya gundê Qermitliq û nêzîkî navenda tenduristiyê, xwest wan neçar bike erdê xwe bifroşin wî, lê ji ber ku kes ji wan razî nebû, rabû girêbesta firotinê guhert û girêbestek nû çêkir, ku li gorî wê xelk erdê xwe beberamber dide şaredariyê da ku niştecihekê ji hawirdeyan re lê ava bikin.
Avakirina vê niştecihê bi serpereştiya Rêxistina AFAD a tirk û sponseriya Qeterê, ku derdora 40 doniman mezine ew niştecih û têra 200 mal dike, ku her malek jî 70 m2 dike.
Kesên hatin neçarkirin li ser wan girêbestan îmze bikin ev in:
1- Cemîl Mihemed Hec Brahîm Şêxo, hate neçarkirin dest ji 6 hezar m2 ji erdê xwe berde, ji ber ku milk li ser navê bavê wî yê rihmetî ye, hate neçarkirin îmze bike.
2- Cemîl Xelîl Şêxo, hate neçarkirin dest ji 9 hezar m2 berde, kurê wî Ferîd ji ber ve îmze kir ji neçarî.
3- Yûsif Henan Mehmo, hate neçarkirin dest ji 2hezar m2 berde.
4- Şêx Hesen (Xoce) hate neçarkirin dest ji 7 hezar m2 berde.
5- Ehmed Mistefa (Êhoyê Mistê) hate neçarkirin dest ji 7 hezar m2 berde, Neviyê wî Ebdila ji ber ve îmze kir.
6- Reşîd Silêman, hate neçarkirin dest ji 2 hezar m2 berde.
7- Mihemed Elî, malbata Mistikê, hate neçarkirin dest ji 6 hezar m2 berde.