Li Şêrawa welatî di bin gefên girtin û derkirindê de ne

NavendaNûçeyan-Efrîn: Bêtirî mehekê ye dorpêça xwarinê, çembera ewlehiyê û gefên çekdarên Fezleq El-Şam li ser welatiyên gundê Basûfanê didomin, ew jî bi tuhmeta pêwendiya bi reveberiya berê û bi Hêzên Rizgarkirina Efrînê re, bi taybetî jî piştî operasyona ku divizabû hêzên navbûrî li dijî tirk û millîsên bi ser ve pêk anîba, lê li dijî gundiyên gundê Kîmarê pêk anîn û di encamê de jî 2 kes bûne qurbanî( Hemo Cengîz Necar 16 salî, Ebdilrehman Hemo 75 salî) û Mesûd Mecîd Cimo, 30 salî, birîndar bû.

Ne tenê ji ber wê jî, lê ji ber armanckirina otombêla Hemze Ebû Zêd fermandarê Feyleq El-Şam bi mayîneke çandî li ser rêya sereke ya Basûfanê û Bi”iyê di 04.12.2020an de, ku ew armanckirin ji ber nakokiyên xwe bi xwe û deshelatdariyê di navbera girûpên çekdar de bû.

Li aliyekî din jî, çekdar ji bo
bidestxistina û standina pereyan bi zorê weke fidye, gefên derkirina gundiyan ji malêln wan dixwen, da ku ereb û turkmenan li şûn kurdan li wan gundan bi cih bikin.

Herwiha beriya niha me eşkere kiribû, ku di 12.12.2020 an de bêtirî 10 gundiyên gundên derdorê hatibûn girtin û bi hovîtî hatibûn eşkencekirin. Heya niha jî hîn çarenivîsa welatiya gundê Basûfanê ya bi navê Xezalê Menan Hisên ne diyar e.

Rêxistina Mafên mirovan li Efrînê

01/01/2021

Li Şêrawa welatî di bin gefên girtin û derkirindê de ne

Çekdarên kêm yên bê exlaq û dûrî mirovahiyê

Çekdar pera li xelkê ferz dikin

Dizê wê bi destê parêzvanê wê ye