Hîn jî helmetên girtinên li gundên Mabata didomin

Navenda Nûçeyan-Efrîn: Tevî ku hate naskirin, ku hawirdeyê ereb Xalid Xidir ku ji nûve tevlî girûpa Ebû Farûq bûye, bi têvedana Şêx Cuma El-Cembelî ji ber nakokiyên li ser diziyê û desteserkirina milkên kurdan, otombêla Ebû Mihemed El-Hezwanî fermandarên Cebhe Şamiyê di 18.12.2020de li Mabata teqandiye, lê hîn jî girtina kurdan didome.
Li gundê Hisê yê ser bi navçeya Mabata ve, çekdarên Cebhe Şamiyê li gel polîsê leşkerî berbanga roja Înê di 25.12.2020an de mal pişkinîn kirin û çend welatî bi tuhmetên ne rewa û ji ber standina pereyan ji ber ve, revandin û birin navenda wan a ewlehiyê li navenda navçeyê, ên hatine revandin ev in:
1- Amêr Mihemed Henan Hiso
2- Xemgîn Mihemed Hemalîko
3- Hesen Mihemed Hemalîko
Dîsan li heman gundî jî careke din roja Sêşemê di 29.12.2020an de çekdarên rûgirtî yên Cebhe Şamiyê her yek ji van welatiyan revandin:
4- Leyle Cafer, hevjîna Amêr yê girtî
5- Mihemed Amêr Mihemed Henan Hiso, 16 salî.
6- Silêman Mihemed Reşad Hemo, 18 salî.
Beriya niha jî me eşkere kiribû, ku di 22/23.12.2020an de bêtirî 30 kesî ji gundên Mabata hatibûn girtin, hinek hatin berdan û ên din jî girtî man.
Herwiha li gundê Eyn Darê yê bajarê Efrînê jî çekdarên Hemzata roja Dûşemê di 28.12.2020an de û bi tuhmeta çandina mayînan xortê 17 salî Ebdilrehman Qazî dema ku diçû nav zeviya xwe revandin.

Her li bajarê Efrînê, polîsê leşkerî roja Duşemê di 27.12.2020an de Şêxê êla Bûbeniyan Şêx Faris El-Xelîl bi tuhmeta pêwendiya bi rêveberiya berê re girt û birin navenda xwe ya ewlahiyê û hîn çarenivîsa wî heya niha ne diyar e.

Rêxistina Mafên Mirovan li Efrînê

30/12/2020

Çekdarên kêm yên bê exlaq û dûrî mirovahiyê

Çekdar pera li xelkê ferz dikin

Dizê wê bi destê parêzvanê wê ye