- Rêxistina Mafên Mirovan li Efrînê

Piştî diyardeya kuştina xwe bi xwe diyardeya revandinê derketiye

NavendaNûçeyan-Efrîn: Diyardeyeke nû li Efrînê derketiye, ku çekdarên rûgirti û bi bêjameyên werzişî bi êvarî bi ser malên welatiyan de digrin û welatiyan direvînin ji bo Bajarê Ezazê, weke welatiyê bi navê Memo şofêrê mîkroyê yê ji gundê Hisê, Amir Mihemed Henan Hiso û hevjîn û zarokên wî.

Çekdar piştî wan bi hunceta lêpirsînê direvînin Ezazê û li wir jî otombêlên wan jê didizin û wan bi tenê li nîva rê dihêlin.

Ev yek jî tê piştî diyardeya kuştina xwe bi xwe di nav çekdaran de, bi taybetî hewlên terorkirina herdu fermandeyên çekdaran Hemze Ebû Zêd di 04.12.2020an de û Ebû Mihemed El-Hezwanî di 18.12.2020an de, ku ew jî ji ber nakokiyên kesane û berjewendiyên madî bûn.

Niha jî û piştî teqîna terorî ya çêkirî ya di 18.12.2020an de, çekdarên Cebhe Şamiyê konên hawirdeyên Xûta û Idlibê ji ser bêderên bajarokê Mabata vedikin û hawirdeyandi malên amadekirî de li gundê Avrazê bi cih dikin û cihê konan jî dikin navendeke tendirustiyê ji bo çareserkirina kêmendaman.
Li nava Bajarê Efrînê bi xwe jî liv û tevgereke zêde û gumankirî ya çekdaran heye, ew jî ji bo çandina tirsê di dilê xelkê kurd de, ku bi hovane û bêserûber bi ser malên xelkê de digirin û wan direvînin.

Rêxistina Mafên Mirovan li Efrînê

10/01/2021

Çekdarên kêm yên bê exlaq û dûrî mirovahiyê

Çekdar pera li xelkê ferz dikin

Dizê wê bi destê parêzvanê wê ye