Girtin û revandina welatiyan didome

NavendaNûçeyan-Efrîn: Girtin û revandina welatiyan bi tuhmetên nerast ji bo bidestxistina pereyan ji aliyê çekdaran ve li seranserî Efrînê didome, ne tenê ji aliyê çekdaran ve, lê belê ji aliyê polisên leşkerî û sivîl û Mîta Tikriyê ve jî.
Li gundê Avrazê yê Navçeya Mabata, Mîta Tirkiyê li gel çekdaran roja Yekşemê di 17.01.2021an de welatiyê bi navê Mihedîn Mihemed Şahîn girtin, û piştî demekê ew serbest berdan.

Li gundê Şêxutka yê Bilbilê jî polîsê leşkerî di 19.01.2021an de welatiyê bi navê Seîd Behrî Şêx Sîdî li rêbenda gundê Emara bi tuhmeta pêwendiya bi rêveberiya berê re, girtin û birin navenda leşkerî.
Herdu bira Xebat û Munzir Ebdo Henan, ji gundê Çolaqa yê Bilbilê, dema ji xwe re dîmenên siruştî li nava zeviyan digirtin, ji aliyê çekdarên El-Mutesim Bilah ve li gundê Ze”rê hatin girtin.
Piştî pişkinînkirina telefonên wan jî hin wêneyên kevin ji dema rêveberiya berê ve û dîmenên navendeke leşkerî ya çekdaran hatibûn dîtin, pişt re ew herdu birin navenda ewlehiyê li Ezazê.

Rêxistina Mafên Mirovan li Efrînê
22.01.2021

Çekdarên kêm yên bê exlaq û dûrî mirovahiyê

Çekdar pera li xelkê ferz dikin

Dizê wê bi destê parêzvanê wê ye